Хăйĕн ĕçне анлăн пурнăçа кĕртес тĕллевлĕ Елчĕкре пурăнакан Илья Григорьев çамрăк предприниматель 500 пин тенкĕлĕх грант çĕнсе илнĕ.
Пĕчĕк тата вăтам предпринимательлĕхе аталантарма патшалăхран уйăракан тĕллевлĕ укçа-тенке уйăрассипе ĕçлекен республикăри комиссин анлă ларăвĕ пулса иртнĕ. Унта хăйсен бизнесне аталантарма çирĕп шухăш тытнă çамрăксем хатĕрленĕ проектсемпе хушма материалсене тĕплĕн тишкерсе хак панă хыççăн чи лайăххисене палăртнă. Çапла майпа тутлă шыв туса кăларассипе хатĕрленĕ бизнес-проекта ăнăçлă хỹтĕленĕ Илья Григорьев 500 пин тенкĕлĕх грант хуçи пулса тăнă.
