Елчĕкри культура çуртĕнче мультимедиллĕ «Муза Монпарнаса с Волжских берегов» выставка иртет.
Ăна октябрĕн 10-мĕшĕнче 14 сехетре савăнăçлă лару-тăрура уçма палăртнă. Паллă ентешсен çулталăкĕнче Мария Воробьева-Стебельская, пултарулăх псевдонимĕ Маревна, çуралнăранпа 130 çул çитнĕ май Президент тата «Чувашия» Попечитель канашĕн фончĕсем пулăшнипе Шупашкарти «Радуга» культурăпа курав центрĕ çак выставкăна йĕркеленĕ те. Ỹнерçĕ Сĕнтĕрвăрринче çуралнă, 92 çулта Лондонра çĕре кĕнĕ. Унта Пушкин карттипе усă курма май пур.
Мультимедиллĕ выставка тепĕр çулхи январь уйăхĕн вĕçĕчченех ĕçлет. Пурне те йыхравлаççĕ.
