Малашне кашни уйăхăн виççĕмĕш юнкунĕнче республикăра Пĕрлехи информаци кунĕ иртĕ. Коронавирус инфекцийĕ сарăлнине пула 2020 çултанпа ирттерменччĕ ăна.
Çитес Пĕрлехи информаци кунĕ ыран, февралĕн 15-мĕшĕнче, иртĕ. Чăваш Республикин Пуçлăхĕ Олег Николаев хушнине пурнăçласа, информаци ушкăнĕсен йышне çĕнетнĕ. Шупашкартан тата муниципалитет округĕнчен килнĕ яваплă çынсем халăхпа тĕл пулĕç, ял çыннисен çивĕч ыйтăвĕсене татса пама пулăшĕç.
