Хăйсен шăпине медицинăпа çыхăнтарса пĕтĕм пурнăçне халăха сиплес ĕçе халаллакансем хисеплĕ. Мĕн пур ăсталăхне теприне сыватасси, чылай чухне çĕнĕ пурнăç парасси çине яраççĕ вĕсем. Ĕçĕпе кăна мар, вырăнлă каланă ăш сăмахĕпе те сиплеççĕ.
Людмила Иванова медицина сестри округри тĕп больницăри хирурги уйрăмĕнче 36 çул ытла тăрăшать. Ĕçтешĕсем Людмила Ильиничнăна пархатарлă ĕçĕшĕн, сипленекенсем ырă кăмăлĕшĕн хаклаççĕ.
