Четверг, 30 мая, 2024   |    Елчĕк район хаçачĕ
Главная > Образование > Мĕн кăтартрĕç тĕрĕслевсем?

Мĕн кăтартрĕç тĕрĕслевсем?

Вĕренỹ учрежденийĕсенче пĕтĕмĕшле патшалăх аттестацийĕ вĕçленнĕ май пĕтĕмлетме те вăхăт.

Малтанах 9-мĕшсем пирки. Иртнĕ вĕренỹ çулĕнче 172-ĕн вĕренсе тухнă. Вĕсенчен 2-шне, сывлăх тĕлĕшĕнчен хавшакраххисене, экзаменсене çăмăл йĕркепе тыттарнă, 3 ача шкул пĕтерни çинчен çирĕплетекен свидетельство илнĕ.

Тăххăрмĕшсен 4 экзамен витĕр тухмалла. Вырăс чĕлхипе математика предмечĕсене пурин те тытмалла пулсан, ыттине — хăйсем тĕллĕн суйласа. Кунта пĕтĕмпе 10 предметпа тĕрĕсленнĕ вĕренекенсем. Çав шутран историпе, литературăпа, акăлчан чĕлхипе пĕрер ача çеç пулсан, географипе вара чи нумаййи — 110. Тĕрĕслев витĕр тухайманнисем каярахпа резерв кунĕсенчи экзаменсене хутшăннă. Унта та «такăннă» 13 ачан сентябрь тапхăрĕнче каллех хăйсен пĕлĕвне кăтартма тивет. Палăртмалла: Патреккелти тĕп шкулти пĕр ача та «2» паллă илмен.

11 класра пĕлỹ пухнă 84 ача пурте хутшăннă тĕрĕслевсене. Вырăс чĕлхипе Çирĕклĕ Шăхальсемпе (вăтам балл — 65) Аслă Елчĕксене (64) ытларах ăнăçнă. Лаш Таяпасен вара чи пĕчĕк кăтарту — 40 балл. Округ шайĕпе асăннă предметпа тивĕçнĕ вăтам балл — 60,45.

Профильлĕ математика предмечĕпе вăтам балл 52,42 пулнă. Иртнĕ çулхисемпе танлаштарсан, ку кăтарту чакнă. Чи лайăххи — Курнавăшсемпе Çĕнĕ Пăвасен: 57 тата 55. Аслă Елчĕксемпе Лаш Таяпасем 50-шар балпа çырлахнă.

Уйрăм предметсемпе хăш-пĕр ачасем çĕнсе илнĕ чи пысăк балсем: вырăс чĕлхипе — 95, историпе — 93, обществознанипе — 92, химипе — 90.

Вĕренỹри çитĕнỹсемшĕн округри виçĕ шкулти 5 çамрăка ылтăн медальпе чысланă. Икĕ ачан вара сентябрь уйăхĕнче каллех тĕрĕсленмелле: пĕрин математикăпа, теприн — вырăс чĕлхипе.

Шкулпа сыв пуллашнисене кашнинех хăйсем юратакан специальноçа вĕренсе алла илме, пурнăçра хăйсен вырăнне тупма ырă сунас килет.

Елена НИКИФОРОВА,
округ администрацийĕн вĕренỹпе çамрăксен политикин пайĕн пуçлăхĕн çумĕ.

Добавить комментарий

Ваш адрес email не будет опубликован.

*

code