Пирĕн округри спортсменсем акатуйсенче палăрнă.
Пурте пĕлекен çамрăксемех вĕсем. Çĕнĕ Пăвари Евгений Абрамов Етĕрнере чăваш наци «Кĕрешỹ» тупăшăвĕнче абсолютлă виçере çĕнтернĕ, Роман Иванов (Аслă Шăхаль) 2-мĕш пулнă. Елчĕкри Денис Иванова тата ытларах ăннă: Каçалти Акатуйра вăл ирĕклĕ майпа кĕрешессинче хăйĕн виçинче ыттисене пĕр шанăç та хăварман, «Кĕрешỹ» тĕсĕнче вара, Женя пекех, така хуçи пулса тăнă. 30 кг çитичченхи виçере Арсений Адюкова (Аслă Елчĕк) никам та çĕнтереймен.
