Округра тĕрлĕ çар тĕсĕнче службăра тăнисене халалласа палăксем уçасси ырă йăлана кĕнĕ.
Тинĕс-çар флочĕн кунĕнче Аслă Пăла Тимешре йĕркеленĕ ăна. Пухăннисене округ пуçлăхĕ Леонард Левый саламланă, вăл палăк çарпа патриотла воспитани мероприятийĕсем ирттермелли, çар тивĕçне пурнăçланисене пуç таймалли паллă вырăн пулассине палăртнă.
Çав кунах Шуршу ялĕнче те çавнашкал чаплă памятник уçнă. Культура ĕçченĕсем уява савăк кăмăл-туйăм кĕртнĕ.
