те Елчĕксем хăйсен ячĕсене пĕлтернĕ.
Иван Ярыгин ячĕллĕ Кĕрешỹ керменĕнчи спорт фестивальне тутар-пушкăрт, чăваш тата бурят наци кĕрешĕвĕсем енĕпе йĕркеленĕ. 15 регионпа хула командисен йышĕнче Елчĕксем те пьедестал çине тăнă. Вĕсем республикăн пĕрлештернĕ команди йышĕнче чăваш кĕрешĕвĕ енĕпе 1-мĕш вырăн йышăннă. Кунта Евгений Абрамовпа (Çĕнĕ Пăва) Дмитрий Борисов (Аслă Елчĕк) пĕр виçерех 1-мĕшпе 2-мĕш вырăнсене йышăннă. Бурятсен «Бухэ Барилдаан» кĕрешĕвĕнче ентешсен ушкăнĕ 2-мĕш пулни те аван. Уйрăм зачетра Роман Иванов (Аслă Шăхаль) кĕмĕль медаль çĕнсе илнĕ. Чăваш кĕрешĕвĕнче çавăн пекех 72 кг çитичченхи виçере Денис Ивановпа (Елчĕк) Роман Иванов 2-мĕшпе 3-мĕш вырăнсене пайланă.
Палăртмалла: Д.Борисовăн пĕрремĕш тренерĕ — Георгий Адюков, ыттисен — Сергей Александров.
