Апрелĕн 17-мĕшĕнче Чăваш Енре, çав шутра Елчĕк районĕнче те Пĕрлехи информаци кунĕ иртет. Унăн тĕп темисем: çурхи уй-хир ĕçĕсем, ялсенче тирпей-илем кĕртесси, йывăçсемпе тĕмсем лартмалли экологи субботникĕсем ирттересси, Аслă Çĕнтерÿ 74 çул тултарнине хатĕрленсе кĕтсе илесси. Çавăн пекех «Ачалăхшăн, ачалăх ячĕпе» ыр кăмăллăх марафонĕ мĕнле иртни пирки те калаçу пырĕ.
Шупашкартан килнĕ тата районта йĕркеленĕ информаци ушкăнĕсем аякри ялсене çитсе халăхпа тĕл пулĕç, граждансене харпăр хăй ыйтăвĕсемпе йышăнĕç.
