Кивĕ Эйпеçри тĕп шкул коллективĕ Хĕрлĕ Çăлтăр орденĕн кавалерне Юрий Григорьев афганеца асăнса черетлĕ турнир йĕркеленĕ.
Ăмăрту умĕн, кашни çулхи пекех, командăсене вырăнти вĕренекенсем патриотла сăвă-юрăсемпе кĕтсе илнĕ, Ю.Григорьев вил тăпри çине чечексем кайса хунă.
Командăсенчен Кивĕ Эйпеçсем кубока çĕнсе илнĕ, Елчĕксемпе Аслă Таяпасем – призерсем. Тĕрлĕ номинацире чи лайăххисене палăртнă: Николай Иванов, Арсений Казаков, Алексей Александров, Дмитрий Кульмаков ятарлă парнесене тивĕçнĕ.
Турнир çулсерен Леонид Григорьев уйрăм пайтаçă пулăшăвĕпе иртет. Хальхинче те пĕтĕм командăсене мечĕксем парнеленĕ, вĕри апатпа тивĕçтернĕ вăл.
