Чăваш Ен «Валдайĕсем» июнĕн 1-мĕшĕнче рейса тухĕç.
Шыв транспорчĕ куллен 8 сехетре Хусана тата Сĕвене çул тытĕ. Хусантан — 18 сехетре, Сĕверен 14 сехет те 30 минутра каялла килме тухĕ. Унсăр пуçне Тутарстанăн «Метеорĕсемпе» те кỹршĕ республикăн тĕп хулине çитсе килме май пулĕ. Пĕлтĕр, сăмахран, Шупашкара Атăл тăрăх 90 пине яхăн çын килнĕ. Иртнĕ çулхи кĕркунне Чăваш Ен, Тутарстан тата Мари Эл «Аслă Атăл çулĕ» маршрут йĕркеленĕ. Вăл çуллахи тапхăрта вăя кĕрĕ.
