РФ Президенчĕ Владимир Путин пуçарăвĕпе 2014 çулта пирĕн çĕршывра ГТО комплексне чĕртсе тăратнă.
Çавна май шкул ачисемпе пĕрлех районти организацисемпе предприятисенче ĕçлекенсем те «Ĕçлеме тата хÿтĕлеме хатĕр» физкультурăпа спорт комплексĕн нормативĕсене пурнăçлаççĕ. «Елчĕк ен» хаçатăн тĕп редакторĕ Николай Малышкин сывă пурнăç йĕркине çирĕп тытса пырать. Çак кунсенче Николай Федоровича ГТО нормисене ăнăçлă пурнăçласа ылтăн паллă тивĕçнине ĕнентерекен удостоворени парса чысланă.
Ертÿçĕ хыççăн ытти хаçатçăсем те ГТО нормативĕсене пурнăçлама палăртнă.
