Аслă Пăла Тимешри почта çыхăну уйрăмĕнчи ăшă кăмăллă та çепĕç чĕлхеллĕ ĕçченсем кашни çынна тарават.
З.Елисеева начальникпе Н.Иванова оператор тĕрлĕ çăмăллăхсемшĕн тÿлеме килекенсене ăшшăн йышăнаççĕ. Э.Дементьева, И.Столбова, Е.Дергунова почтальонкăсем вара уйрăмах хальхи вăхăтра ял çыннисемпе тĕл пулса калаçаççĕ, 2019 çулхи пĕрремĕш çур çул валли хаçат-журнал çырăнтарас кампани пуçланнине пĕлтереççĕ. Ку тăрăхра «Елчĕк ен» хаçата 246 подписчик илсе тăрать. Почтальонкăсем хăйсен ĕçне чунтан парăннă, пĕринчен теприн ĕç стажĕсем пысăк.
Сăн ÿкерчĕкре: Е.Дергуновăпа Э.Дементьева почтальонкăсем çула тухас умĕн.
