ЧР Патшалăх Канашĕн черетлĕ 24-мĕш сессийĕнче депутатсем кадрсен улшăнăвĕпе çыхăннă ыйтусене те пăхса тухнă.
Вĕсенчен пĕри – Чăваш Республикин улттăмĕш суйлаври Патшалăх Канашĕн Председателĕн тивĕçĕсене пурнăçламашкăн вице-спикера – бюджет, финанс тата налуксем енĕпе ĕçлекен комитечĕн председательне Альбина Егоровăна шаннă.
Сессире Григорий Данилов депутата социаллă политика тата наци ыйтăвĕсемпе ĕçлекен комитетăн çумĕн должноçĕнчен – вăл хăйĕн ĕç-хĕлне яланхи професси никĕсĕ çинче пурнăçланă – хăтарас ыйтăва та тишкернĕ. Социаллă политика тата наци ыйтăвĕсемпе ĕçлекен комитет председателĕн çумĕн должноçне коммунистсен партийĕн фракцийĕнчи депутата Александр Андреева суйланă.
