«Улăп» ФОКра волейболла выляс енĕпе район чемпионачĕ иртнĕ.
Малтанхи вăйăсем икĕ ушкăнта иртнĕ. Финала Çирĕклĕ Шăхальсемпе Елчĕксем, Курнавăшсемпе Аслă Пăла Тимешсем тухнă. Çурма финалти çивĕч кĕрешÿре Елчĕк ял тăрăхĕн команди Курнавăшсене 2:1, Çирĕклĕ Шăхаль ял тăрăхĕн команди Аслă Пăла Тимешсене 2:0 шутпа парăнтарса финала тухнă. Виççĕмĕш вырăншăн Курнавăшсемпе Аслă Пăла Тимешсем вылянă, Курнавăшсем çĕнтернĕ. Район чемпионĕсем – Çирĕклĕ Шăхальсем. Вĕсем пĕрре те выляса яман. Финалта Елчĕксене парăнтарнă. «Чи лайăх тапăнса вылякан», «Чи лайăх пас паракан», «Чи лайăх хÿтĕлевçĕ» ятсене Артур Васильев /Аслă Пăла Тимеш ял тăрăхĕ/, Алексей Плотников /Елчĕк ял тăрăхĕ/, Александр Купташкин /Курнавăш ял тăрăхĕ/ çĕнсе илнĕ.
