Сусăр çынна, уйрăмах, пысăк тимлĕх кирлĕ.
Çакна тĕпе хурса Раççей Федерацийĕн территорийĕнче пурăнакан пенси ÿсĕмĕнчи е инвалида тухнă çынсене патшалăх енчен палăртнă социаллă пулăшу мелĕсемпе усă курма мĕн пур майсем туса панă. Ку чухне вырăнсенчи, çав шутра халăха социаллă пулăшу паракан районти центр специалисчĕсем те хăйсен тивĕçне туллин пурнăçлама тăрăшаççĕ. Çак тĕллевпе тăтăшах ял тăрăхĕсене тухса çÿреççĕ: инвалидсемпе, пĕччен пурăнакан ватă çынсемпе тĕл пулаççĕ, вĕсен пурнăç условийĕпе паллашаççĕ, йывăр лару-тăрăва лекнисене май пур таран пулăшас – социаллă мерăсемпе тивĕçтерессине уçăмлатас ĕçе хутшăнаççĕ.
