Елчĕкри Спорт çуртĕнче районти йывăр атлетикăна никĕслекене Николай Малькова асăнса йĕркеленĕ турнирта 50 ытла спортсмен тупăшнă.
11 виçе категорийĕнче пьедестал çине хăпарнă пĕтĕм штангиста Елчĕкри çамрăксен фончĕ хаклă парнесемпе, районти йывăр атлетика федерацийĕн председателĕ Денис Портнов уйрăм номинацисенче палăрнисене чысланă. Вĕсен йышĕнче регион шайĕнче те çĕнтерÿ туптакансем ытларах. Очкосене Синклер системипе пĕтĕмлетнĕ май вара, турнир паттăрĕ Марина Антонова пулса тăнă.
