Çак кунсенче Чăваш Республикин Правительство çуртĕнче республикăри аварипе çăлав службисен ĕçченĕсем пĕтĕмлетÿллĕ вĕренÿпе методика пухăвĕнче 2019 çулхи ĕç кăтартăвĕсене пăхса тухнă, кăçалхи тĕллевсене палăртнă.
Пухура Елчĕк районĕнчи 44 номерлĕ пушар хурал чаçĕ ?ертÿçи Василий Григорьев/ гражданла оборона тытăмне çĕнетес енĕпе çитĕнÿсемпе палăрнăшăн, чрезвычайлă лару-тăрăва сирес енĕпе ăнăçлă ĕçленĕшĕн чрезвычайлă лару-тăрăва асăрхаттарас тата сирес енĕпе ĕçлекен пĕрлехи тытăмăн куçса çÿрекен кубокне тата I степеньлĕ Дипломне тивĕçнĕ.
