Елчĕк шкулĕнче çамрăк граждансене паспорт парса чысланă.
Раççей Федерацийĕн гражданинĕн тĕп документне 4 çамрăк илнĕ. Вĕсене çак ятпа ШĔМĕн районсем хушшинчи «Комсомольский» уйрăмĕн Елчĕкри полици пайĕн миграци пункчĕн специалист-эксперчĕ Анжелика Соснова, Елчĕк шкулĕн директорĕ Лариса Васильева тата ыттисем те саламланă, Раççей гражданинĕн ятне яланах çÿллĕ шайра тытма сĕннĕ.
Районти полици пайĕн начальникĕн çумĕ Алексей Карабурнашев вĕренекенсене гражданинăн прависемпе тата яваплăхĕпе паллаштарнă.
