Районта çулсеренех «Хавхалану çăл куçĕсем» смотр-конкурс иртет. Унта халăх пултарулăхĕн коллективĕсем хутшăнаççĕ.
Ял тăрăхĕсенче кăштах маларах пычĕ вăл. Иртнĕ кунсенче Елчĕксем те сцена çине тухнă.
Кăçалхи сумлă юбилейсене халалланă смотр-конкурса чи малтанах Елчĕкри искусство шкулĕн «Мерчен» ансамблĕ «Ночка луговая» юрăпа уçнă. Унтан пултарулăх шкулне çÿрекен воспитанниксем хăйсен юрри-ташшипе савăнтарнă. «Веселинки» ансамбль шăрантарнă «Солдатушки, браво ребятушки», гитаристсен ансамблĕн «Белая румба» юррисем куракансен кăмăлне çĕкленĕ. Елчĕк шкулĕнчи 6 кадет класĕнче вĕренекенсем те ăсталăхĕ пысăккипе палăрнă.
Централизациленĕ клуб тытăмĕ çумĕнчи «Аюшки», «Мини Бомбини» ансамбльсем, С.Барановпа Л.Плотникова дуэчĕ, «Сириус» театр студийĕн «В землянке» театрализациленĕ постановки концерта тата пуянлатнă.
