Хальхи вăхăтра нумай хваттерлĕ çуртсене туянакансем сахалрах пулнине пытараймăн.
Çак сăлтава пулах 2019 çулта районта пурăнмалли çурт-йĕр хута ярас енĕпе малтан палăртнă плана /пурĕ 4500 тăваткал метр/ туллин пурнăçлма май килмен.
Планпа палăртнин 66,4 проценчĕ е 2988 тăваткал метр, çав шутра 2386 тăваткал метр чухлĕ стандартлă çурт-йĕр хута кайнă.
Унсăр пуçне, 8 çамрăк çемьен /3880 пин тенкĕлĕх/, 2 тăлăх ачан /1918 пин тенкĕлĕх/ çурт-йĕр условийĕсене лайăхлатнă.
Сăмах май, нумай хваттерлĕ çуртсенчи пĕрлехи пурлăха тĕпрен юсамалли республика программине пурнăçласа иртнĕ çул Елчĕк ялĕнче Андреев урамĕнчи 6-мĕш тата Юбилей урамĕнчи çуртсене юсанă, çак тĕллевпе 3646 пин тенкĕ тăкакланă.
