Елчĕкри 44 номерлĕ пушар хурал чаçĕ йĕркеленипе Елчĕкри А.В.Игнатьев ячĕллĕ ачасемпе çамрăксен «Улăп» спорт шкулĕнче пушара хирĕç кĕрешес тата инкеке лекнисене пулăшас енĕпе вĕренÿ иртнĕ.
Меропрятин тĕп тĕллевĕ – ăнсăртран пушар пулас пулсан инкеке сирсе ярассишĕн яваплă подразделенисем, спорт шкулĕнчи персонал хăйсен ĕçне мĕнле йĕркеленине тĕрĕслесси пулнă.
Медицина, полици, пушара хирĕç кĕрешекен, çул-йĕр, телефон тата Интернет çыхăнăвĕсен, газ, электричество сечĕн службисем вĕренÿ вăхăтĕнче хăйсен ĕç-хĕлне тĕрĕс йĕркелесе пынă, инкеке вăхăтра тата пысăк çухатусемсĕр сирме хатĕррине кăтартса панă.
Е.ГЕННАДЬЕВА.
Е.Игнатьева сăн ÿкерчĕкĕнче: пушар хурал ĕçченĕсем «инкеке лекнисене» вăхăтлă çăлма пултарнине кăтартса панă.
