Районта 11 шкул çумĕнче кану лагерĕсем йĕркеленĕ. Унта 677 вĕренекен çÿрет. Елчĕкри пĕтĕмĕшле пĕлÿ паракан вăтам шкул çумĕнчи лагере 262 ача çÿреме кăмăл тунă. Вĕренекенсене 13
отряда уйăрнă. Кашнийĕнче 2-шер воспитатель. Ачасен канăвне усăллă та хаваслă ирттерес тĕллевпе шкулта анлă мероприятисен планне хатĕрленĕ. Кунне икĕ хутчен вĕри апат çинипе пĕрлех ачасем валли спорт, ăс-тăн вăййисем, экскурсисем йĕркелеççĕ. Районти паллă вырăнсемпе паллашнă май «Шнурики», «Хамелеон» ушкăнсем «Елчĕк ен» хаçат редакцийĕнче те экскурсире пулчĕç, 90 çула яхăн тухса тăракан хаçат историйĕпе кăсăкланчĕç,
журналистсемпе куçа-куçăн тĕл пулса калаçрĕç.
Марина Журавлева педагог-воспитатель вара 2021 çулхи иккĕмĕш çур çул валли район хыпарçине
кăмăллăнах çырăнчĕ. Ачасем те ашшĕ-амăшĕ район хаçатне çырăнса илнине, хăйсем те юратса
вуланине палăртрĕç.
