Июлĕн 25-мĕшĕнчен пуçласа Чăваш Енре вĕçен кайăксене тытма ирĕк паракан сунар тапхăрĕ пуçланнă.
Сунара йытăпа тухакансен шурлăх-çаран кайăкĕсене июлĕн 25-мĕшĕнчен пуçласа ноябрĕн 30-мĕшĕччен тытма юрать. Хыр вăрманĕнче, çеçен хирте тата уйра пурăнакан кайăксене вара августăн 5-мĕшĕнчен пуçласа январĕн 10-мĕшĕччен тытма ирĕк панă.
Йытăсăр сунарçăсем шурлăх-çаран, уй тата çеçен хир кайăкĕсене августăн 21-мĕшĕнчен пуçласа ноябрĕн 30-мĕшĕччен тытаяççĕ. Хыр вăрманĕнчи кайăксене – августăн 21-мĕшĕнчен пуçласа декабрĕн 31-мĕшĕччен.
Шыв кайăкне тытма ирĕк паракан вăхăт пурин те пĕрешкел – августăн 21-мĕшĕнчен пуçласа ноябрĕн 30-мĕшĕччен.
