Чăваш Ен Пуçлăхĕ Олег Николаев Чăваш Республикин Патшалăх Канашне çуллен тухакан Çырăва хатĕрлеме пуçланă.
Çак документра республика Правительствин, Патшалăх Канашĕн, вырăнти хăй тытăмлăх органĕсен, предприятисемпе организацисен малашнехи çул-йĕрне, çитес çул валли мĕнле ыйтусене ытларах тимлĕх уйăрмаллине палăртаççĕ.
Ăна хатĕрленĕ чухне çынсен сĕнĕвĕсене йышăнаççĕ. Эсир çырăва мĕн кĕртме сĕннĕ пулăттăр; Сирĕн шутпа халăх пурнăçне лайăхлатас тесен чи малтан мĕн тумалла? Ыйтусемпе сĕнÿсене poslanie@cap.ru электрон почта адресĕпе /унта «Çыру-2022» валли тесе палăртмалла/ йышăнаççĕ.
Чăваш Ен Пуçлăхĕ Олег Николаев Чăваш Республикин Патшалăх Канашне яракан Çырупа 2022 çулхи январь уйăхĕн вĕçĕнче е февраль уйăхĕнче паллаштарĕ.
