Елчĕкри искусство шкулĕнче вĕренекен Елизавета Молодова юрă-кĕвĕ илемне ачаран кăмăллать.
Пуçламăш класра вĕреннĕ чухнех тĕрлĕ смотр-конкурссенче палăрнă хĕр ача халĕ те пĕччен юрлассипе тĕрлĕ шайри ăсталăх тупăшăвне хутшăнать. Пĕтĕм Раççейри «Воспевая край родной» фестиваль-конкурсра Лиза 14-15 çулсенчи ачасем хушшинче «Эстрада юрри» номинацире тупăшнă. «Чăваш Ен» юрăпа вăл III степень лауреат дипломне тивĕçнĕ.
Калас пулать, Л.Молодова шкулти ташă ушкăнне те çỹрет.
