«Эксперт РА» рейтинг агентстви Раççейри хуласене экологи, социаллă пурнăç тата управлени кăтартăвĕсем тăрăх хак панă. Шупашкар çĕршывра ТОП-15 шутне кĕнĕ. Атăлçи округĕнче — 2-мĕш вырăнта.
Тĕп хула атмосферăна сиенлекен таса марлăха сахал кăларнăшăн, йывăç-тĕм нумаййишĕн, тавралăха сыхлама пысăк укçа уйăрнăшăн лайăх хака тивĕçнĕ. Чăваш Енре «Экологи» наци проектне пурнăçласа тасатакан сооруженисене реконструкцилеççĕ, çỹп-çап вырăнĕсене рекультивацилеççĕ, халăхăн экологи культурине ỹстерме акцисем, тĕрлĕ мероприяти йĕркелеççĕ. Республика пуçлăхĕ О.Николаев пуçарнипе Мордва Республикипе тата Ульяновск облаçĕпе карбон полигонĕсем тума виçĕ енлĕ килĕшỹ çирĕплетнĕ.
