«Елчĕк ен» хаçатăн редакторне Елена Петровăна çак кунсенче Раççей Журналистсен пĕрлĕхĕн Хисеп грамотипе наградăланă.
Елена Геннадьевна редакцире 21-мĕш çул ĕçлет. Вăл обществăпа политика пурнăçĕн ыйтăвĕсене çутатассишĕн яваплă пулнă май, районти тĕрлĕ тытăмсен коллективĕсемпе тачă çыхăнура. Республика шайĕнче йĕркелекен пултарулăх конкурсĕсене те хастар хутшăнать.
