Шупашкарти 1-мĕш клиника больницине нумай функциллĕ краватьсем кỹрсе килнĕ. Çакна малтанласа хирурги уйрăмĕнче сипленекенсен хăтлăхĕшĕн тунă.
Çĕнĕ хатĕрсен витĕмĕпе пациентсене пăхма чылай çăмăлрах пулĕ. Пĕтĕмĕшле илсен, республика бюджечĕн укçипе ятарлă функциллĕ 170 кровать туяннă. Вĕсем суранланнă, чире пула вăйсăрланнă тата операци хыççăнхи пациентсене вырттарма пит меллĕ. Кирлĕ вăхăтра тĕрĕслев витĕр кăларма пациента краватьпе пĕрлех палатăран илсе тухма май килĕ.