ЗАГС пайĕ пĕлтернĕ тăрăх, 10 уйăхра районта çемье чăмăртакансен йышĕ пĕлтĕрхинчен ỹснĕ.
Иртнĕ çул 30 мăшăршăн Мендельсон маршĕ янăранă пулсан, кăçал — 41. Туйсем ытларах Елчĕк, Аслă Пăла Тимеш, Аслă Елчĕк ял тăрăхĕсенче пулнă.
Çакă та савăнтарать: çут тĕнчерен уйрăлакансен йышĕ те чакнă: пĕлтĕрхинчен 94 çын сахалтарах.
Ашшĕ-амăшĕ ачисене ытларах Алексей, Матвей, Мария, Милана ят хураççĕ. Хальлĕхе 48 ача çуралнине регистрациленĕ.
