Вунпĕрмĕшсем — Лаш Таяпа шкулĕнче тата Елчĕк шкулĕнчи кадет класĕнче вĕренекенсем Раççей Федерацийĕн Хĕç-пăшаллă вăйĕсен Генеральнăй штабĕн тĕп центрĕ видеомелпе çыхăнса ирттернĕ профориентаци урокне хутшăннă. Ăна асăннă центрăн ертỹçи — хамăрăн ентеш, Елчĕк шкулĕнчен вĕренсе тухнă Роберт Баранов генерал-майор йĕркеленĕ.
Вĕренекенсем çар вĕренỹ заведенийĕсенчен вĕренсе тухнă çар çыннисене хăйсене интереслентерекен тĕрлĕ ыйту пама пултарнă.
