Шупашкарта Чăваш Республикин Пуçлăхĕн призĕсене çĕнсе илессишĕн «Спорт çемйи» йăлана кĕнĕ фестиваль иртнĕ.
Халĕччен асăннă ăмăртуран Елчĕкри Портновсем пĕрре те медальсăр таврăнман. Кăçал виççĕмĕш вырăна тухнă. Тăватă тĕрлĕ спорт дисциплининче вăй виçнĕ вĕсем. Çав шутран ГТОра уйрăмах ăнăçнă — 1-мĕш, хушма эстафетăра — 2-мĕш. Денис Владимировичпа Елена Николаевнăна тата вĕсен Давид ывăлне малашне те ăнăçу сунатпăр.
