Елчĕкри ачасемпе çамрăксен пултарулăх çурчĕн ĕçченĕсен пуçарăвĕпе шкул ачисем хушшинче шахматла выляссипе округ турнирне ирттернĕ.
1-4-мĕш классен командисен йышĕнче Елчĕксем пĕрремĕш, Патреккелсемпе Çĕнĕ Пăвасем призлă вырăнсене йышăннă. 8-11 классен ушкăнĕнче малтисем – Аслă Елчĕк, Елчĕк, Курнавăш шкулĕсем. 5-7 классем чылай кун маларах ăмăртнă. Уйрăм шахматистсенчен сума тивĕçнисем: Прохор Муравьев, Дмитрий Редьков, Вероника Демьянова, Роман Фомкин (Елчĕк), Дмитрипе Валерия Филимоновсем (Аслă Елчĕк). Ăмăртăва Кушкă тата Лаш Таяпа вăтам шкулĕсем командăсем тăратман.
