«Улăп» ФОКра Елчĕк ялĕнчи вăхăтсăр çĕре кĕнĕ спортсменсене асăнса ирĕклĕ майпа кĕрешекенсен уçă турнирне ирттернĕ.
Черетлĕ 28-мĕш ăмăртăва ултă округпа хулари 60 атлет хутшăннă. Вунпĕр виçе категорийĕнчен пирĕннисем виççĕшĕнче çĕнтернĕ: Кирилл Александров, Денис Иванов тата Михаил Миллин. Миша «Чи лайăх техникăшăн» ятарлă приза та тивĕçнĕ.
Турнира çулсерен «Елчĕк çамрăкĕсем» фонд йĕркелет. Унăн хастарĕсене — Александр Кириллова, Сергей Курчина, Геннадий Кириллова округ администрацийĕн Тав хучĕпе чысланă. Асăннă фондсăр пуçне çавăн пекех Сергей Черновпа Владимир Петрушкин (Аслă Елчĕк) тата ирĕклĕ майпа кĕрешекенсен Чăваш Енри федерацийĕ те уйрăм атлетсене спонсорла пулăшупа хавхалану кỹнĕ.
