Шупашкарта 23 çула çитичченхи çамрăксем хушшинче йывăр атлетсен Чăваш Ен чемпионачĕ иртнĕ.
Пирĕн округри спортсменсем яланхи пекех ăнăçлă ăмăртнă. Полина Андреева, Герман Романов, Антон Айметов, Александр Плотников, Дмитрий Перцев ылтăн медальсене çĕнсе илнĕ. Димăна ытларах та ăннă: икĕ енлĕ кĕрешỹре 185 килограмм йăтса вăл спорт мастерĕн кандидачĕн нормативне тултарнă.
Пирĕннисенчен пьедестал çине пурĕ 14 атлет хăпарма тивĕçнĕ.
