Шупашкарти биатлон центрĕнче йăлана кĕнĕ йĕлтĕрçĕсен «Раштав чупăвĕн» республикăри ăмăртăвĕ иртнĕ.
20 командăри 200-е яхăн спортсмен 4 ушкăнра тупăшнă. Хăнасем те – Мари Эл, Саха /Якути/ республикисенчен, Мускав, Киров облаçĕсенчен, Мускав хулинчен хутшăнма кăмăл тунă унта. Эппин, ăста йĕлтĕрçĕсем вăй виçни куç кĕрет. Апла пулсан та, вĕсен йышĕнче Аслă Елчĕкре çуралса ÿснĕ Анита Обручкова студентка та çухалса кайман – 5 километра чупса бронза медаль çĕнсе илнĕ.
