Вунпĕрмĕш класра вĕренекенсен пĕтĕмлетÿ сочиненине çырмалли куна 2021 çулхи апрелĕн 5-мĕшне куçарнă.
Вăл, планланă тăрăх, паян иртмеллеччĕ. Вунпĕрмĕшсен ăнăçлă çырнă сочиненийĕ патшалăхăн пĕрлехи экзаменĕсене тытмалли хăйне майлă путевка шутланать.
9-мĕш классенче вĕренекенсен вырăс чĕлхипе иртмелли собеседовани вара эпидемиологи тĕлĕшĕнчен йывăртарах регионсенче дистанци мелĕпе пулĕ.
Кун пирки Рособрнадзорăн пресс-служби пĕлтернĕ.
«Расписанипе килĕшÿллĕн тăххăрмĕшсен собеседованийĕ февралĕн 10-мĕшĕнче иртмелле. Хушма сроксем тесе мартăн 10 тата майăн 17-мĕшĕсенче палăртнă. Эпидемиологи лару-тăрăвĕ йывăр пулсан собеседовани регионсенчи ĕç тăвакан власть органĕсем йышăннипе дистанци формипе иртĕ», – палăртнă ведомствăра.
М.ЧЕРНОВА.
