Кÿлпуçри почта çыхăну уйрăмĕнче хаçат-журнала çырăнтарас плана çулсеренех тултарса пыраççĕ.
Светлана Яшина ертÿçĕ Валентина Охотина тата Елена Анисимова почтальонкăсен ĕçĕпе кăмăллă. Харсăр ĕçченсем кирек хăш çанталăкра та вулакансем патне вăхăтра çитсе хаçат-журнал салатаççĕ, пенсипе тата ытти тÿлевпе тивĕçтереççĕ. «Елчĕк ен» хаçата ку тăрăхра кăмăлласах çырăннине хыпарлаççĕ вĕсем.
Сăн ÿкерчĕкре: почта çыхăну уйрăмĕн ертÿçи Светлана Яшина район хаçачĕн çывăх тусĕсемпе Николай Савиновпа тата Александр Яшинпа пĕрле.
