Хусанта тухса тăракан чăвашсен «Сувар» хаçачĕн коллективĕ çулсерен мини-футбол турнирне йĕркелет. Унта Аслă Елчĕкпе Елчĕк шкулĕсен пĕрлештернĕ команди кăçал та хутшăннă.
Команда представителĕсем – Николай Волковпа Сергей Александров каланă тăрăх, Тутарстанри тĕрлĕ районтан пуçтарăннă ушкăнсен ăсталăх шайĕ чылай ÿснĕ. Пĕлтĕрхи аутсайдер – «Тăхăрьял» команда кубока çĕнсе илни те тĕлĕнмелле кĕтменлĕх мар-и? Пирĕннисем хальхинче призерсен йышне кĕреймен пулин те, унта пухнă вăйă опычĕ малашлăхра усă кÿрĕ. Ачасем пĕр-пĕринпе туслă çыхăну йĕркелени те пысăк пĕлтерĕшлĕ.
