«Культура» наци проекчĕпе килĕшÿллĕн республикăри муниципалитет библиотекисем 2020 çулта тĕслĕх библиотекисем тăвас енĕпе йĕркеленĕ конкурсра тупăшаççĕ.
Çĕнтерÿçĕсене библиотекăсене çĕнетме федераци бюджетĕнчен 5 миллионран пуçласа 10 миллион тенкĕ таран уйăрма палăртнă.
Конкурса тăхăр районти библиотекăсем – Элĕк, Вăрнар, Йĕпреç, Сĕнтĕрвăрри, Етĕрне районĕсенчи тĕп библиотекăсем, Муркаш, Шупашкар, Çĕмĕрле районĕсенчи ял библиотекисем тата Шупашкар хулинчи В.Чаплина ячĕллĕ ача-пăча информаци центрĕ хутшăнма заявка панă. Конкурс пĕтĕмлетĕвĕсем кăçалхи август уйăхĕнче паллă пулĕç.
