Мартăн 22-мĕшĕ. Çак кун 1915 çулта вырăс çарĕсем Перемышль крепоçне парăнтарнă.
Мартăн 27-мĕшĕ. Çак кун Владимир Мономах ертсе пынă çар половецсене çапса аркатнă. Дон хирĕсене похода тухнă Владимир Мономах 1111 çулта мартăн 27-мĕшĕнче Сальница çывăхĕнче половецсемпе /11-13-ĕмĕрсенче Кăнтăр-Хĕвел тухăç Европăра куçса пурăннă тĕрĕк йăхĕсем/ тытăçăва кĕрсе пысăк çĕнтерÿ тунă. Çак пĕлтерĕшлĕ çĕнтерÿ хыççăн половецсем Раççее тапăнма пăрахнă.
Мартăн 31-мĕшĕ. 1814 çулта çак кун вырăс çарĕсемпе вĕсен союзникĕсем Парижа пырса кĕнĕ. Çакăн хыççăн Европа Наполеон тыткăнĕнчен хăтăлнă.
