Çулсеренех иртекен «Чи лайăх класс ертÿçи» районти конкурс хыçа юлнă.
Тăватă тапхăрпа иртнĕ тупăшура 12 педагог хăйсен ăсталăхне кăтартнă. Çĕнĕ Пăвари Мария Алексеевăпа Елчĕкри Владимир Николаев лауреат ятне çĕнсе илнĕ. Курнавăшри 11-мĕш класа ертсе пыракан Евгения Корнилова чи нумай балл пухса конкурсра çĕнтернĕ. Вăл районти опытлă педагог, ачасене чунтан юратаканскер. Халĕ Евгения Николаевна муниципалитетсенче мала тухнă чи лайăх класс ертÿçисемпе республикăри конкурсра тупăшма хатĕрленет.
