Тутарстанри Зеленодольск хулинче роликлă йĕлтĕрсемпе ярăнакансен уçă чемпионатне йĕркеленĕ.
«Маяк» спорт комплексĕнчи ăмăртура пирĕн енчисем те аптăраман. 2009-2010 çулсенче çуралнă хĕр ачасен йышĕнче Аслă Елчĕк шкулĕнчи Софья Афанасьева 4,5 километра чупса 3-мĕш вырăна тухнă. Хăнăхман спорт хатĕрĕпе çапла çĕкленни — пысăк çитĕнỹ. Валерия Яковлева чи лайăх вунă атлет йышне кĕни те питĕ аван. Спортсменсене аякри ăмăртусене пĕр хутчен мар илсе тухаканĕ — Сергей Александрович Горшков спорт ветеранĕ.
