Хĕллехи илем хăйне евĕрлĕхпе тата асамлăхпа тыткăнлать. Çыравçăсемпе поэтсем хăйсен хайлавĕсенче çут çанталăкăн çак пулăмне ахальтен мар пысăк тимлĕх уйăраççĕ.
Курнавăш ялĕнчи библиотекăра «Вырăс хĕлĕ – поэзире» ятпа литература сехечĕ иртнĕ, кунтах «Хĕл илемĕ тыткăнлать» курав йĕркеленĕ.
Раиса Горшкова библиотекарь вулакансене паллă поэтсен сăввисемпе паллаштарнă. Библиотекăна çÿрекенсем те хăйсен кăмăлне каякан сăвăсене чуна витермелле вуланă.
