Республикăра чылай çул ĕнтĕ сывлăх сыхлавĕн тытăмĕ çине пысăк тимлĕх уйăраççĕ. Ку ĕçре Раççей Президенчĕ йышăннă наци проекчĕсем те сахал мар пулăшу параççĕ. Юлашки çулсенче ялсенчи васкавлă медпулăшу валли 120 автомобиль туяннă, пациентсене тата медицина ĕçченĕсене илсе çỹреме тата 130 машина хута янă. Республика тин çуралнă ачасен пурнăçне упрассипе çĕршывра чи кăтартулли. Пысăк технологиллĕ пулăшу кỹресси 40 процент, диспансеризаципе медицина тĕрĕслевĕн шучĕ 1,7 хут хушăннă.
Çывăх çулсенче Чăваш Енре 2,4 пин ытла инфратытăм проектне пурнăçлама палăртаççĕ. Çак шутра — çулсем, шкулсем, медицина, спорт, культура, социаллă хỹтлĕх учрежденийĕсем.
