Паттăрлăхпа палăраççĕ

СВОри ентешсем хăюлăхпа тата паттăрлăхпа палăрни савăнтарать. Çак кунсенче Познаньри III степень Кутузов орденĕллĕ Хĕрлĕ Ялавлĕ 268-мĕш гвардин командованийĕнчен округ администрацине СВО участникĕн мăшăрĕ Елена Ягудина ячĕпе Тав çырăвĕ килнĕ. Округ пуçлăхĕ Леонард Левый Еленăна администраци çуртне йыхравласа çак Хисеплĕ хута эрнесерен ирттерекен канашлу вăхăтĕнче пачĕ. Тăван çĕршыв хỹтĕлевçин ятне çирĕп тытакан мăшăрне пулăшса тата хавхалантарса тăнăшăн вăл салтак мăшăрне чĕререн тав турĕ.