Лаш Таяпа шкулĕнче тăрăшакан поварсене сумласа Поварсен кунĕ умĕн ача садне çỹрекенсем пĕчĕк концерт кăтартнă. Кухньăра усă курмалли савăт-сапапа (кастрюльсемпе хупкаçĕсем, кашăксемпе чашăксем…) усă курса вĕсем хăйне евĕрлĕ шавлă оркестр йĕркеленĕ.
Тутлă апат пĕçерекенсене пархатарлă ĕçĕшĕн тав тума уйрăм салам та хатĕрленĕ.
— Эсир хатĕрлекен ирхинехи тата кăнтăрлахи апат-çимĕç пире вăй-халпа сывлăх, хавхаланупа лайăх кăмăл-туйăм парнелеççĕ. Тавтапуç сире çакăншăн, — çаплă каласа тав тунă ачасем вĕсене.
М.МЕМЕТОВА.
