Чăваш Енри шкул ачисем аслă шкула вĕренме кĕнĕ чухне хушма балл илме пултарĕç. Ку тĕлĕшрен вĕсене ГТО палли пулăшĕ.
Апла пулсан шкул ачисен мартăн 31-мĕшĕччен ГТО нормисене пурнăçлама ĕлкĕрмелле. Анчах çакна та шута илмелле: хăш-пĕр аслă шкул ГТОн ылтăн паллисене çеç пăхать.
ГТО паллисемшĕн мĕн чухлĕ балл парассине кашни аслă вĕренÿ заведенийĕ хăй палăртать. 16-17 çулсенчи хĕрсемпе каччăсен ГТО паллине илес тесен 5-мĕш картлашкари нормативсене пурнăçламалла, 18 çул тултарнисен вара – 6-мĕш картлашкарисене. Тĕплĕнрех пĕлес тесен Пĕтĕм Раççейри ГТО комплексĕн порталĕнче пăхмалла.
