«Интер-Елчĕк» команда йĕркеленни çулталăк кăна-ха, апла пулин те вăл хăйĕн çинчен регионта тата унăн тулашĕнче те пĕлтерме ĕлкĕрчĕ.
Çĕрпỹ округĕнчи Чурачăк ялĕнче иртнĕ турнирта 2014-2015 çулсенче çуралнă ачасем ăмăртнă. Сакăр командăран Владимир Шашков тренер ертсе пыракан ушкăн 1-мĕш вырăн йышăннă. Çавăнпа çĕнтерỹçĕсен ячĕсене палăртма сăлтавĕ те çителĕклĕ. Вĕсем: Ярослав Евдокименко, Станислав Захаров, Игорь Кириллов, Алексей Порфирьев, Александр Смирнов, Савелий Егоркин.
Вĕсенчен пĕр-ик çул кĕçĕнреххисем те, «Интер-Чăваш Ен» команда йышĕнче вылякансем (Егор Кириллов, Ярослав Купташкин, Кирилл Миллин), Лапсарсен чысне хỹтĕлесе малтисен ретне кĕнĕ.
Канмалли кунсенче округра спорт ветеранĕн Вениамин Кудряшовăн парнисене çĕнсе илессишĕн те турнир иртнĕ.
