Ĕмĕр тăршшĕпех асран тухман тăван шкулти асамлă вăхăтсем вĕсемшĕн те хыçа юлчĕç.
Кăçал районти шкулсенчен 11-мĕш класран 106, 9-мĕшĕнчен 226 ача вĕренсе тухрĕ – пурте алла аттестат илчĕç. Ĕнер выпускниксем ăсату каçне пуçтарăнчĕç. Вĕсене шкул ертÿçисем, пĕрремĕш хут пĕрремĕш класа çавăтса кĕнĕ вĕрентекенсем, класс ертÿçисем, ашшĕ-амăшĕ саламларĕç, ырă та такăр çул сунчĕç.
